Mantén limpo o teu cole

Esta presentación é un resumo da vosa participación no concurso "Mantén limpo o teu cole". Lembrade que o obxectivo era concienciarvos da importancia de manter limpos os espazos que compartimos, entre eles loxicamente está o noso colexio.
Todo isto non servirá de nada se seguimos botando lixo ao chan. Non costa ningún traballo dirixirse ás papeleiras, así que adoitade boas prácticas e...

                                 "MANTEÑAMOS LIMPO O NOSO COLE"

ENTROIDO 2014

O día 28 de febreiro celebramos no centro a festa do Entroido. O colofón final foi o desfile, pero anteriormente houbo un traballo previo a nivel de aulas, de ciclos, de equipos, de traballo nas casas... Quixemos xuntar todos estes momentos nesta presentación e este foi o resultado do noso bosque "entroidado". Premede na ventá para poder visualizalo e desactivade o símbolo do son para escoitar a música de fondo. Para que vaia sincronizada imaxe e música tedes que facelo na primeira imaxe da presentación, a do esquío. E lembrade que para que despois non se vexan os iconos de "play", "stop" e "audio" tedes que mover o símbolo da man cara a esquerda ou dereita da pantalla. Desexamos que vos guste.

A nosa homenaxe ao Día Mundial da Paz

Día da Paz

O vindeiro xoves día 30 de xaneiro celebrarase, como todos os anos, o Día Mundial da Paz. Dende as diferentes aulas e niveis están a preparar unha imaxe ou varias sobre a temática da paz. En poucos días veredes o resultado neste blog.

Visita dos Reis Magos ao colexio

BO NADAL E FELIZ 2014!

Nadal 2013 on PhotoPeach

O Nadal está a piques de chegar

Xa queda menos tempo para o Nadal, esa data tan importante que moitos de vós tedes marcada no calendario. Dende o colexio estamos a realizar unha serie de murais para conmemorar esta festividade. Quédavos aquí unha pequena mostra do que levamos feito ata agora. Isto só é o principio.

Festa do outono 3º ciclo

FESTA DO OUTONO (Infantil, 1º e 2º ciclo de Primaria)

Estreamos un novo blog co obxectivo de plasmar todas as celebracións que realicemos no colexio. Xa vedes que empezamos forte, cun traballo moi vistoso e que ten como eixo central a estación do outono. Dende aquí queremos dar as grazas a tódalas persoas implicadas neste grandísimo proxecto xa que sen a súa colaboración este traballo non sería posible: nais e pais, profesores e profesoras, equipos de dinamización, e sobre todo, os principais protagonistas: os alumnos e alumnas do centro. En definitiva, moitas grazas a toda a comunidade educativa. DESEXAMOS QUE A TODOS VÓS VOS GUSTE ESTA PRESENTACIÓN A MODO DE MONTAXE. DISFRUTÁDEA.